လွမ်းနေတဲ့မောင်နှမများအတွက်.....

တကယ်တမ်းတော့ လွမ်းနေတဲ့မောင်နှမတွေအတွက်တင်မဟုတ်ပါဘူး။ မရောက်ဖူးသေးတဲ့မောင်နှမတွေ ရောက်ဖူးချင်စိတ်ပိုပေါက်သွားအောင်၊ ရောက်ဖူးပြီးသားမောင်နှမတွေလဲ ထပ်သွားချင်သွားအောင် လက်ကျန်ပုံလေးတွေကိုမွှေနှောက်လိုက်တာပါ။

အဲဒါကတော့အပြန်မနက်စောစောမှာ ရိုက်ထားတဲ့ပုံပါ။

ကျောက်ပန်းပြာ လို့ကျွန်မတို့ခေါ်ကြတဲ့ ဘလူးဗင်ဒါတွေပါ။

ဖဲကြိုးဖြတ်၊ ရမုဒ်နှိပ်ပြီး ဖွင့်ပွဲကျင်းပခဲ့တဲ့တံတား မဟုတ်မှာတော့သေချာတယ်။

ဖောင်တော်ဆိပ်

တချိန်ချိန်ကျရင် အဲဒီတောင်တန်းတွေတလျှောက် လျှောက်သွားချင်တယ်။

အင်းထဲသွားလည်ပြီး အေးအေးဆေးဆေးညအိပ်နေချင်သူတွေအတွက် တည်းခိုဖို့အတွက်တော့မပူပါနဲ့။ (ဟိုတယ်တွေမှအများကြီး)

ရှမ်းအိုးစည်တီးကြည့်ချင်လဲရမယ်။ ဒေါင်းလန်းထဲက အသီးတွေတော့စားလိုက်တာ ကုန်ပေါ့။

ရေထဲမှာ ညအိပ်ညနေ နေရမှာကြောက်သူတွေအတွက် ညောင်ရွှေမှာ ညအိပ်ပြီး မနက်စောစောမှ အင်းထဲဆင်းသွားချင်ရင်လဲ ရတယ်နော်။

ဟိုတယ်ကြော်ငြာနေတယ်လို့မထင်ပါနဲ့နော်။ အေးအေးဆေးဆေးသွားနေချင်သူတွေကတော့ အကြိုက်တွေ့မှာပါ။

အသွားတုံးက တက်ကြွခဲ့သလောက် အပြန်ခရီးမှာတော့........ :(

ဟဲဟိုးလေဆိပ်နားနေဆောင်ကမြင်ရတဲ့မြင်ကွင်း။ အရင်တုံးက ရှေ့မှာတန်းစီစိုက်ထားတဲ့အပင်တွေ မရှိခင်တုံးက နားနေဆောင်ကနေမြင်ရတဲ့ရှုခင်းကမြင်ကွင်းကျယ်...ရှင်းလင်းပြီး အရမ်းလှတာ။ တကယ့်ကို တောလေဆိပ်သေးသေးလေးပဲ ဒါပေမယ့် နွေးထွေးတယ်။ လေယာဉ် Delay ဖြစ်တာက (၃)နာရီတောင်စောင့်ရပေမယ့်စိတ်မတိုခဲ့ဘူး။ နောက်ထပ်၁နှစ်လောက် ဒီရှုခင်းတွေမမြင်ရမှာ၊ အေးချမ်းတဲ့ဒီရာသီဥတုကိုမခံစားရမှာ၊ ထင်းရှုးနံ့သင်းတဲ့ ဒီလိုလေတွေကိုမရှုရမှာ၊ ဒီစကားသံဝဲ၀ဲတွေကိုမကြားရမှာသေချာနေတော့ နေခွင့်ရှိသရွေ့ပျော်ပျော်နေလိုက်တယ်။ အေးအေးဆေးဆေး ကော်ဖီထိုင်သောက်တယ်၊ စာအုပ်ဖတ်တယ်။ စကားပြောတယ်။ လာတဲ့လေယာဉ်ကလဲ ကျွန်းပတ်ဖြစ်နေလို့ မန္တလေးကိုတောင် ရောက်ခဲ့သေးတယ်။ မန္တလာမြေကိုခြေတော့မချခဲ့ရပါဘူး။ လေယာဉ်ဘီးပဲချခဲ့တာ။ ပုဂံညောင်ဦးကိုပါလေယာဉ်ဆင်းမယ်ဆိုရင်လဲ ကောင်းသားပဲနော်။ အဲဒါမှ တောင်ကြီး၊အင်းလေး၊ မန္တလေး၊ ပုဂံညောင်ဦး ကိုသွားခဲ့တာလို့ပြန်ကြွားလို့ရမှာ။

ဓါတ်ပုံတွေကုန်သွားပေမယ့် အလွမ်းတွေကမကုန်သေးပါလား။ ဒီပုံ၂ပုံက ၂၀၀၈ Company Tripကပုံတွေ။ ပင်းဒယ ရွှေဥမင်လှိုဏ်ဂူအတက်လမ်းကနေ ရိုက်ခဲ့တာ။

ကလော မြင်းမထိတောင်။ နေ၀င်ရီသရောမှာ တောင်ခြေနားကအကြော်ဆိုင်မှာ လူသုံးဆယ်ကျော်လုံးစကားသံတိတ်လို့ အတွေးကိုယ်စီနဲ့ငေးနေခဲ့ကြတယ်။ ဆိုင်ရှင်တွေက ဆိုင်သိမ်းချင်နေပြီ။ အလိုက်တသိနဲ့ ကားထွက်ရအောင်လို့ဘယ်သူမှ စပြီး မလောဆော်ကြဘူး။
ဒါပေမယ့် အချိန်တန်တော့လဲ အိမ်ပြန်ခဲ့ကြရတာပါပဲ။