ကောက်သင်းကောက်ခြင်း

(www.planitude.fr/journal/index.p...-fevrie)

ကျွန်မအသက် ငါးနှစ်ကနေ ဆယ့်လေးနှစ်လောက်ထိက ကြီးမေနဲ့အင်းထဲမှာနေပြီးကျောင်းတက်ခဲ့တာဆိုတော့ ကျွန်မရဲ့ငယ်ဘ၀ကရန်ကုန်မှာကြီးပြင်းခဲ့တဲ့တခြားသူငယ်ချင်းတွေနဲ့တော့တော်တော်ကွာခြားပါတယ်။ တခါတလေသူငယ်ချင်းတွေ ငယ်ဘ၀ကအမှတ်တရတွေကိုပြန်ပြောဖြစ်ကြရင်း ငါငယ်ငယ်တုံးကံကောက်သင်းကောက်ဖူးတယ်လို့ပြောရင် ကောက်သင်းကောက်ဆိုတာဘာလဲလို့ပြန်မေးခံရတာ။

၈၈အရေးအခင်းဖြစ်လို့ကျောင်းတွေပိတ်တော့ ကျွန်မက (၆)တန်းကျောင်းသူ။ ခါတိုင်းနွေကျောင်းပိတ်ရက်ဆို ဖေဖေတို့မေမေတို့က အင်းထဲလာနေကျ၊ ဒါမှမဟုတ်ရင်ကျွန်မကရန်ကုန်ကိုသွားနေနေကျဆိုတော့ ညီမလေးနဲ့ကစားလိုက်၊ဖေဖေနဲ့ မေမေကိုအတိုးချပြီး နွဲ့ဆိုးဆိုးလိုက်နဲ့ ကျောင်းပိတ်ရက်တွေက ဘယ်လိုအချိန်ကုန်လို့ကုန်မှန်းမသိခဲ့ပါဘူး။ ဒါပေမယ့် အရေးအခင်းဖြစ်တော့ ဖေဖေတို့ကလဲ အင်းထဲမလာနိုင်ဘဲ လူကြုံရှိရင်၊ ဖုန်းရရင်သာ စိတ်မပူဖို့ အချင်းချင်း သတင်းစကားတွေပါးရင်းသာ နေနေခဲ့ရတဲ့ကာလပေါ့။

ကျွန်မတို့ရွာက အများစုက စိုက်ပျိုးရေးလုပ်တဲ့လူတွေ မဟုတ်ကြဘူးလေ။ အဲဒီအချိန်က တော်တော်များများ အိမ်စီးပွါးရေးက ရက်ကန်းစင်ထောင်တဲ့လူ၊ ပန်းထိန်ဖိုထောင်တဲ့လူ၊ ကိုယ်တိုင်ရက်ကန်းစင်၊ ပန်းထိမ်ဖိုမထောင်နိုင်လဲ သူများဆီမှာ အခစားယူပြီး လုပ်တဲ့လူတွေ၊ စတဲ့အိမ်တွင်းမှု လက်မှုပညာအလုပ်နဲ့ပဲ အသက်မွေးကြတယ်။ ပြီးတော့ အင်းထဲတခုလုံးတင်မက အောင်ပန်း၊ ကလောထိ ငါးရက်တဈေး လူသုံးကုန်၊ အ၀တ်သွားရောင်းတဲ့ဈေးသည်တွေလဲရှိတယ်။

ကြီးမေကအိမ်မှာ ရက်ကန်းစင်တွေ ထောင်တာမို့ ကျောင်းလဲပိတ်ရော၊ အလုပ်တွေလဲရပ်ရလုနီးပါးဖြစ်တာပေါ့။ ပထမပိုင်းအချိန်တုံးကတော့ လက်ကျန်ရှိတဲ့ ချည်တွေ၊ သိုးမွှေးချည်တွေနဲ့ ၊ ရက်ကန်းရက်တဲ့လူတွေလဲ အလုပ်ရှိအောင် ဆက်လုပ်နေသေးပေမယ့်၊ ရန်ကုန်နဲ့ မန္တလေးမှာရှိတဲ့ လွယ်အိတ်ဆိုင်တွေက ဘယ်အချိန်မှပစ္စည်းပြန်ဝယ်မယ်မှန်းမသိတော့ နောက်ပိုင်းတော့ ရက်ကန်းစင်တွေလဲအကုန်နားထားရတာပေါ့။

တစ်သက်လုံး အလုပ်လုပ်လာတဲ့ကြီးမေက အလုပ်မရှိတော့ မနေနိုင်မထိုင်နိုင်ဖြစ်ပြီး ကျွန်မတို့ကို တချောင်းထိုးတွေသင်လိုက်၊ နှစ်ချောင်းထိုးတွေထိုးခိုင်းလိုက်၊ ရှိစုမဲ့စုပန်းပင်တွေကိုပြုစုလိုက်နဲ့ နေနေပေမယ့် ကြာလာတော့သူလဲမနေနိုင်တော့ဘူး။ အဲဒီအချိန်မှာ သူ့အပေါင်းအသင်းတွေတချို့က ကောက်တက်ကောက် (ကောက်သင်းကောက်) ထွက်ကြတယ်လဲဆိုရော သူလဲအဲဒီအုပ်စုနဲ့ ဂျွိုင်းချင်ပါလေရော။

ကောက်သင်းကောက်တယ်ဆိုတာ သိတဲ့လူတွေလဲသိကြမှာပေါ့။ စပါးခင်းတွေမှည့်လာလို့ လယ်ပိုင်ရှင်တွေ ရိတ်ပြီးခဲ့အခါမှာ ကျန်နေခဲ့တဲ့ စပါးနှံတွေကို ဘယ်သူမဆိုဝင်ဖြတ်ခွင့်ပြုတယ်လေ။ အဲဒါလဲ ပန့်သကူလှူတာတမျိုးလို့ ထင်တယ်။ စပါးရိတ်တဲ့အချိန်တုံးက စပါးနှံတွေကို တံဇဉ်နဲ့ရိတ်သလို ရွှီးခနဲရွှီးခနဲ့ လက်တဆုပ်စာတခါထဲ ရိတ်လို့တော့ မရတော့ဘူးပေါ့။ ဟိုအပင်၊ ဒီအပင်မှာ တံဇဉ်ထဲမပါသွားပဲ ကျန်ခဲ့တဲ့ စပါးနှံ တနှံချင်းစီကို ကတ်ကြေးထက်ထက်နဲ့ဖြတ်ရင်ဖြတ် ...တံဇဉ်အသေးလေးနဲ့ဖြတ်ရင်ဖြတ်ပေါ့။

ကျွန်မတို့ဆီကစပါးစိုက်တဲ့ရာသီက ဗမာပြည်ဘက်ကစပါးစိုက်ချိန်နဲ့တွေနဲ့မတူဘူး။ စပါးမျိုးချင်းလဲ မတူဘူးနဲ့တူတယ်။ ကျွန်မတို့ဆီမှာက နွေရာသီမှာ လယ်ထွန်စိုက်ပြီး မိုးရာသီမှာ လယ်ရိတ်ရတာ။ လယ်ရိတ်ပြီး ကောက်သင်းကောက်ချိန်ဆို စပါးခင်းတွေမှာ ရေ၀င်ပြီး လယ်ကန်သင်း ကိုတောင်မော်တော် ဖြတ်မောင်းလို့ရနေပြီလေ။ စပါးပင်တ၀က်လောက်နဲ့ စပါးနှံလေးတွေကတော့ ရေမမြုပ်ဘူး။ လယ်တွေရှိတဲ့ ကျွန်မတို့ရွာရဲ့အနောက်ဘက်က ရေနွေးရွာ၊ ကျွန်းစင်ကြီးရွာ၊ တောင်ခြေရွာ၊ အင်းတိမ်ရွာတွေက ရွာသာဆိုတယ်။ အိမ်တွေက လယ်တွေထဲမှာဆောက်ထားတာ။ လယ်တဲမဟုတ်ဘူးနော်။ သစ်သားအိမ်အခိုင်အခန့်တွေပဲ။ တစ်အိမ်နဲ့တစ်အိမ်အော်ခေါ်ရင်တောင် မကြားရတတ်ဘူး။ ကောင်သင်းကောက်မယ့်လူတွေက လှေတွေနဲ့ ဒီနေ့ဘယ်ရွာဘက်သွားမယ်ဆိုပြီး ငါးယောက်ခြောက်ယောက် တအုပ်စုစုပြီး သွားတတ်တယ်။

အဲဒီမှာကောက်သင်းမကောက်ရသေးတဲ့လယ်ကွက်တွေ့ရင် လှေတွေခွဲပြီး စပါးနှံတွေဖြတ်ကြ၊တလှေနဲ့တလှေ စကားပြောကြ။ နေ့လည်ထမင်းစားချိန်ကြရင် အိမ်တွေနဲ့နီးရင် အိမ်တွေ ဘက်ကိုလှေလှော်ပြီး အဲဒီအိမ်တွေမှာသွားနားရင်းစားကြ။ ရွာချင်းသာမတူလို့ မရင်းနှီးရင်သာရှိရမယ်။ အကုန်လုံးက သိနေကြတဲ့လူတွေချည်းပဲလေ။ ပြီးတော့ နှစ်စဉ် လာနေကြလူတွေကိုဆိုရင် ရင်းနှီးနေပြီလေ။ နေပူနေရင်ခဏတဖြုတ်နား၊ ရေနွေးသောက်၊ ခဏနားပြီးရင်လယ်ထဲပြန်သွား၊ နေ၀င်ခါနီးရင် ရွာကိုလှော်ပြန်ပေါ့။ အခု ခါတော်မှီ ကောင်သင်းကောက်အသစ်တွေကိုတော့ အဲဒီရွာကလူတွေ လက်ဖျားခါတယ်။ နင်တို့လာတာလဲ ပျော်ပွဲစားထွက်လာတာကြနေတာပဲတဲ့။

ပုံမှန်ဆို အရင်တုံးက ဒီလိုကောက်သင်းကောက်တယ်ဆိုတာမျိုးက ကျွန်မတို့ရွာမှာ ရက်ကန်းရက်ရင် သိပ်မတွင်တဲ့ အမျိုးသမီးတွေ၊ မိသားစုများတဲ့လက်လုပ်လက်စား မိသားစုက အမျိုးသမီးကြီးတွေပဲ စပါးပေါ်ပြီးချိန် တလ လောက်မှ ၀မ်းစာဆန်လေးရရင်ရသလောက်ဆိုပြီး ထွက်ကောက်ကြတာ။ အခုတော့ အလုပ်တွေတော်တော်များများကရပ်ထားရဆိုတော့ အိမ်မှာနေ အလကားနေအလကားဆိုပြီး အရင်တုံးက ကောက်သင်းကောက်ဆိုတာ တခါမှမလုပ်ဘူးတဲ့ အမျိုးသမီးကြီးငယ်မရွေးထွက်ကြတာ၊ အလုပ်ရှိပြီးရောဆိုပြီး လုပ်ကြတာ။

အဲဒါနဲ့ ကျွန်မရဲ့ ကြီးမေလဲ သူ့ရဲ့သူငယ်ချင်းအပေါင်းအသင်းတွေရဲ့အားပေးမှုနဲ့ ကတ်ကြေး၊ တံဇင်တွေရှာ၊ စပါးနှံထည့်ဖို့ စစ်ဆေးသုပ် ၀ါးကပ်တောင်းသေးသေးကို ဖုန်ခါ၊ ရေဆေးနဲ့ လက်နက်ကိရိယာတွေ စပြင်ဆင်ပါတော့တယ်။ သူကောက်သင်းကောက်လိုက်မယ့်နေ့ မနက်စာစောစောစား၊ ထမင်းချိုင့်၊ ရေနွေးဓါတ်ဘူး၊ လက်ဖက်အုပ်၊ ချိုချဉ်၊ နေ့လည်စာစားပြီးရင်အချိုတည်းမယ့် ငှက်ပျောသီးဖီးကြမ်း ပါမကျန်၊ ရေနွေးကြမ်းနဲ့ မြည်းဖို့ အာလူးကြော်ထုပ်နဲ့။ လပြည့်လကွယ် ဥပုသ်စောင့်သွားရင် ပြင်သွားတဲ့အတိုင်းပဲ။ နေ့လည်နေပူရင်လှေထဲမှာဆောင်းဖို့ပုံမှန်ဆောင်းနေကျခမောက်အပြင်၊ကျွန်မအဖွားဈေးရောင်းတုံးကသုံးခဲ့တဲ့ စစ်ဆေးသုပ်ထားတဲ့ ပုထိမ်ထီးအကြီးကြီးတောင်ပါလိုက်သေး။ အဲဒီထီးကြီးသာဖွင့်ထားရင် လှေ နှစ်စင်းစာတော့ ကောင်းကောင်းလုံတယ်လေ။

မနက်သူ့အပေါင်းအသင်းတွေကအိမ်ရှေ့ချောင်းကနေကလာအော်ခေါ်တော့ ကျွန်မကလှေထဲကိုပစ္စည်းတွေ ကူထည့်ပေးပေါ့။ အဲဒီတော့မှ အိမ်နောက်အိမ်၊ ဘေးအိမ်က သူ့မောင်တွေညီမတွေကသိသွားရော။ သူတို့က ..မမညိုဘယ်သွားမလို့လဲ...
..ငါကောက်တက်ကောက်လိုက်သွားမလို့...
...ဟင်...မဖြစ်ဘူးထင်တယ်နော် မမညို။ တခါမှလဲမသွားဖူးဘဲနဲ့။ နေ့လည်ကျ နေကလဲပူမှာ။ မသွားပါနဲ့...
...ဘာမှမဖြစ်လောက်ပါဘူး။ နေပူရင်တအိမ်အိမ်မှာ ၀င်ခိုနေမှာပေါ့။ မပူနဲ့..
..မဟုတ်ဘူး မမညို၊ တော်ကြာလယ်ပြင်မှာမူးလဲနေလို့ ကျွန်တော်တို့လာခေါ်နေရအုံးမယ်...

သူ့ရဲမောင်အငယ်က အဲလိုပြောလိုက်တော့ ကြီးမေ ပိုတင်းသွားတယ်။ ဟုတ်တယ်လေ။ တသက်လုံး ဘယ်သူ့သြဇာမှမခံလာတဲ့လူ။ မောင်နှမအရင်းတွေထဲမှာတင်မက မောင်နှမ၀မ်းကွဲတွေထဲမှာပါ အကြီးဆုံးနေရာရပြီး ဘယ်သူ့စကားမှ သိပ်နားမ၀င်တတ်တဲ့လူဆိုတော့ သူ့ကိုတော်ရုံတန်ရုံ ဘယ်သူမှ ဖြောင့်ဖြလို့မရတတ်ဘူး။

..နင်တို့ကလဲဘာမှမဖြစ်ပါဘူး။ သူများတွေလည်းသွားနေတာပဲ။ ငါအိမ်မှာနေရတာပျင်းလို့...ဆိုပြီး လှေလှော် ထွက်သွားပါလေရော။ ကျွန်မကတော့ သူငယ်ချင်းတွေနဲ့ကစားလိုက်၊ အဖေ့ဗီဒိုထဲက စာအုပ်တွေ ထုတ်ဖတ်လိုက်၊ ရန်ကုန်ကကျောင်းပိတ်လို့ပြန်လာတဲ့ အကိုဝမ်းကွဲတွေဟောတဲ့တရားသွားနာလိုက်၊ လွတ်လပ်ရေးအပြည့်အ၀ရနေတာပေါ့။

ကြီးမေကောက်တက်ကောက်ထွက်တယ်လို့ကြားရော... အရင်ကျွန်မတို့အဘိုးအဘွားလယ်တွေကိုလုပ်ပေးခဲ့ပြီး နောက်ပိုင်း လယ်လုပ်သူလယ်ပိုင်ဆိုင်ရေးဥပဒေအရ လယ်ပိုင်ရှင်တွေဖြစ်သွားတဲ့ အဘိုးရွှေတို့မိသားစုက နောက်တနေ့မှာရောက်လာပြီး မညိုရယ်...လူကြားမကောင်းပါဘူး။ ငါတို့ရှိနေရဲ့သားနဲ့ ကောက်တက်ကောက်ထွက် ရတယ်လို့ဆိုပြီး စပါးတွေကြိတ်ပြီးလာပို့တယ်။ ကြီးမေက မဟုတ်ဘူး။ ငါကိုကအလုပ်မရှိရင်မနေတတ်လို့ပါဆိုတော့ ဆန်တွေထားခဲ့ပြီး တဖျစ်တောက်တောက်နဲ့ပြန်သွားတယ်။ ကြီးမေကတော့ ဟိုရေသည်ပြဇာတ်ထဲက ရေသည်ယောင်္ကျားလိုပေါ့။ မင်းကြီးပေးတဲ့တိုင်းပြည်တ၀က်ကိုလဲ ယူမယ်၊ ငါ့ငွေလေးပဲလဲယူမယ်ဆိုသလိုပဲ။ လာပို့တဲ့ဆန်တွေကိုယူထားပေမယ့် နေ့တိုင်း တတောင်းတတောင်းရလာတတ်တဲ့ စပါးနှံ လေးတွေကိုလဲ စိတ်မဖြတ်နိုင်ဘူး။

အဲလိုနဲ့ နှစ်ပတ်၊သုံးပတ်လောက်ကြာတော့ ကျွန်မလဲ အိမ်မှာနေရတာပျင်းလာတော့ ကြီးမေနဲ့လိုက်ချင်တယ် ဆိုပြီးပူဆာရော။ သူကအဲဒါတော့ လွယ်လွယ်နဲ့လက်မခံဘူး။ ဘာလုပ်မှာလဲ။ နေပူတယ်။ အိမ်မှာပဲနေတဲ့။ သူဟာသူသာ လုပ်ချင်တာလုပ်မယ်၊ ကျွန်မနေမကောင်းဖြစ်မှာ၊ ပြီးတော့တကယ်လို့ကျွန်မနေမကောင်းဖြစ်ရင် သူတယောက်ထဲသွားနေတာတောင်တားမရလို့ကြည့်ကြေတဲ့သူ့မောင်တွေ၊ ညီမတွေက အကြီးအကျယ် ကွန်ပလိန့်တက်မှာတော့ စိုးရိမ်ပုံရတယ်။ ဒါပေမယ့်ကျွန်မတယောက်ထဲ အိမ်မှာထားခဲ့တာလည်း သူသိပ်စိတ်ချပုံ မရဘူး။ အရင်တုံးကတော့ ရက်ကန်းရက်တဲ့အမကြီးတွေအိမ်မှာရှိတော့ သူတောင်ကြီးသွားတာတို့၊ တခြားရွာသွားတာ တို့ဆိုလဲကျွန်မကနေခဲ့နေကျ။ အခုတော့အရမ်းကို နားပူနားဆာလုပ်လိုက်တော့ ..တရက်တော့လိုက်ကြည့်တဲ့။ ဒီတခါတော့ ကျွန်မတို့တူဝရီးနှစ်ယောက်ကို ဦးလေးတွေ၊ အဒေါ်တွေကကြည့်ရုံပဲကြည့်နေတော့တယ်။

အဲလိုနဲ့ကျွန်မလဲ လယ်ထဲလိုက်သွားရောဆိုပါတော့။ ကျွန်မက လှေဦးကထိုင်၊ ကြီးမေကပဲ့ကနေလှော်ပေါ့။ ပြန်တွေးကြည့်ရင် အတော်ကြည်နူးဖို့ကောင်းတယ်။ ဘာ stress မှမရှိ။ အရင်ရက်ကသွားပြီးသား လယ်ကွက်တွေဘက်မသွားပဲ ဘယ်သူမှ မကောက်ရသေးတဲ့ လယ်တွေကိုတော့ ခန့်မှန်းရတာပေါ့။ တခါတလေ တခြားအုပ်စုနဲ့တွေ့တော့..အချင်းချင်းသတင်းပေးကြပေါ့။ဘယ်ဘက်ကတော့ကောက်သင်းကောက်ဖို့မရှိတော့ဘူး။ ဘယ်ဘက်မှာတော့အများကြီးဆိုတာတွေပေါ့။ တခါတလေ လှော်ရင်းလှော်ရင်း စပါးနှံတွေမတွေ့ဘဲ နေ့လည်စာစားချိန်ရောက်သွားလဲအေးဆေးပဲ။ စားသောက်ပြီး နောက်တနေရာထပ်လှော်ပေါ့။

ကြီးမေနဲ့ကျွန်မနဲ့ပြသနာတခုပဲရှိတယ်။ သူကပဲ့ကထိုင်၊ ကျွန်မကလှေဦးကထိုင်ပြီး စပါးနှံတွေဖြတ်တဲ့အခါ၊ သူနဲ့ကျွန်မက ကျောပေးရက်လိုဖြစ်သွားတယ်လေ။ တခါတလေ ကျွန်မက ဟိုရှေ့ကစပါးနှံကို ဖြတ်ချင်လို့ တဖက်ကိုလှော်၊ သူကလဲသူ့ဖက်ကို လှော်နဲ့ ဆန့်ကျင်ဖက်အရပ်ကိုတပြိုင်နက်လှော်နေကြတာဆိုတော့ လှေကဘယ်မှ မရွေ့။ အဲဒီအချိန်မှာဆို တူဝရီးနှစ်ယောက်တယောက်ကိုတယောက်စိတ်တိုကြတယ်။ ငါ့သွားဖြတ်မယ့် စပါးနှံကပိုကြီးတာကိုပေါ့။ မကျေမနပ်တွေဖြစ်လို့။

အဲလိုနဲ့ကျွန်မကောက်သင်းကောက်တဲ့သုံးရက်မြောက်နေ့မှာပေါ့။ ညနေ လေးနာရီလောက်မှာ ကျွန်မတို့ အုပ်စုရောက်နေတာ ရွာနဲ့တော်တော်ဝေးဝေး တောင်ခြေအစပ်လောက်ရောက်နေပြီဆိုတော့ ရွာဘက်ကို ပြန်တော့မယ်လို့ အချင်းချင်းတိုင်ပင်နေတုံး ကျွန်မနားထဲမှာ ၀ုန်းဝုန်းဆိုတဲ့အသံစကြားတယ်။ လူကြီးတွေကိုပြောတော့ သူတို့လဲနားထောင်ပြီး ဟုတ်တယ်၊ မိုးလာလားမသိဘူးတဲ့.။ (မိုးလာတယ်ဆိုတာ မိုးပြေးရွာတာကိုပြောတာ)၊

ကျွန်မတို့ဆီမှာ မိုးပြေးရွာပြီဆိုရင် တ၀ုန်းဝုန်းနဲ့အသံမြည်လာပြီး နီးလာလေ အသံကျယ်လာလေနဲ့ မိုးကတော့ခဏလေးဖြတ်ရွာသွားတတ်တာ၊ အဲဒီအချိန်မှာ လှေနဲ့ဆိုရင်လှေကိုလှော်ပြေးကြတာ။ တခါတလေတော့လဲ မိုးပြေးရွာတဲ့ဘက်နဲ့ကိုယ်လှော်တဲ့ဘက်နဲ့ လွဲသွားရင်လဲမိုးလွတ်တာပေါ့၊ သူလာမယ့်ဘက် တည့်တည့်လှော်ပြေးမိရင်တော့ရွှဲပေါ့။မိုးလာမယ်ဆိုတာနဲဘယ်ဘက်ကနေလာပြီးဘယ်ဘက်ကိုပြေးမလဲမသိတဲ့ မိုးပြေးကိုရှောင်ဖို့  ကျွန်မတို့ အုပ်စုကရှိသမျှလှေခြောက်စင်းလောက်ဟာ အပြိုင်လှော်ပြေးကြတာပေါ့။

ကျွန်မတို့ တူဝရီးနှစ်ယောက်လဲ နောက်ကျတော့ဘယ်ခံမလဲ။ ကြီးမေက လှော်လှော်၊ သမီးဆိုတော့ လှော်လိုက်ရတာ။ ကျွန်မတို့လှေက တတိယလောက်တော့စွဲပါတယ်။ ဒါပေမယ့်လှော်နေရင်းနဲ့ အသံကပိုပိုကျယ်လာတာ။ အဲဒီလောက်ကျယ်တဲ့အသံနဲ့ဆို ရွာရမယ့်မိုးကကိုယ့်အပေါ်ရောက်လောက်ပြီ။ ခုတော့ မိုးကတော့ တပေါက်မှမကျဘဲ တ၀ုန်းဝုန်းနဲ့အသံကအတော့်ကိုကျယ်တာဆိုတော့ ပိုလန့်တာပေါ့။ ကျွန်မမှာလှော်လိုက်ရတာ လက်ပန်းတောင်ကျလာပြီး နောက်တော့ ဘယ်လိုမှ မလှော်နိုင်တော့ဘဲ ရှေ့ကကျွန်းမျောအသေးလေးပေါ်ကိုလှေဦးကို ထိုးဆိုက်လိုက်တယ်။ ဟုတ်တယ်လေ။ ဒီတိုင်းဆက်သွားရင် ကြီးဒေါ်ကြီးကလှော်လှော်ဆိုပြီးလုပ်နေအုံးမှာ။

အဲဒီတော့မှ ရှေ့ကနေအသည်းအသန်လှော်နေကြတဲ့ လှေတွေကလဲ နား၊ နောက်ကနေ အမှီလိုက်လာတဲ့လှေ တွေကလဲ ဖြည်းဖြည်းချင်းလှော်လာပြီး အားလုံးပတ်ဝန်းကျင်ကို သေချာကြည့်မိတော့မှ ကျွန်မတို့ရောက်နေတာက လယ်ကွက်တွေအလယ်မှာ ထီးထီးကြီးရှိနေတဲ့ ဆန်စက်ကြီးနားရောက်နေတာကိုး။ ကျွန်မတို့ ခပ်ဝေးဝေးရောက်နေတဲ့အချိန်မှာ သူကစက်စလည်တာဆိုတော့ ၀ုန်းဝုန်းဆိုပြီး စကြား၊ ကျွန်မတို့က ကြောက်ကြောက်နဲ့စွပ်လှော်လာတော့ ဆန်စက်နဲ့ပိုနီးလာလေ အသံကပိုကျယ်လာလေနဲ့ အကြီးအကျယ် ဒုက္ခပေးတာလေ။ သူ့ဆန်စက်က တောင်တွေနဲ့နီးတော့ ပဲ့တင်သံကြောင့်အဲလောက်ပိုကျယ်သွားတာ။ အဲဒီ့တော့မှ အားလုံးမှာ ငိုအားထက် ရီအားသန်ဖြစ်ကုန်တာပေါ့။ အကုန်လုံးလဲရှိသမျှအားတွေထုတ် လှေပြိုင်ပွဲဝင်လိုက်ရလို့ အတော်မောသွားပြီး ရွာအပြန်မှာ ယဲ့ယဲ့ပဲရှိတော့တယ်။

လှေကိုဦးပဲ့ဆန့်ကျင်ဘက်လှော်တုံးက သည်းခံနိုင်သေးသလောက်၊ ခုတခါ လှေပြိုင်ပွဲဝင်ခိုင်းတာကိုတော့ အတာ့်ကို စိတ်နာသွားတာမို့အဲဒီညမှာတော့ ကြီးတော်ကြီးကိုကြေညာလိုက်တယ်။ သမီးနောက်နေ့ မလိုက်တော့ဘူးလို့။ ကြီးတော်ကြီးကလဲ အေးလေတဲ့။ ကြီးမေလဲ တရက်တော့နားလိုက်အုံးမယ်တဲ့။ အဲဒီထဲက တူဝရီးနှစ်ယောက် ကောက်တက်ကောက်ဆိုတဲ့ လေသံတောင်မဟတော့တာ ခုထိပါပဲ။ ပြောမရလို့ ကြည့်နေရတဲ့ ဦးလေးတွေအဒေါ်တွေလဲ အဲဒီရက်နောက်ပိုင်းမှ စိတ်အေးသွားတဲ့ပုံပဲ။

အဲဒီတုံးကရခဲ့တဲ့စပါးတွေကို ကြိတ်ပြီး အဲဒီနှစ်ကအင်းထဲကဘုန်းကြီးကျောင်းတွေ ဆွမ်းဆန်စိမ်းအလှူခံတိုင်း လောင်းခဲ့ရတာတော့ တကယ်ကို ကြည်နူးစရာပါ။ ဆွမ်းချက်ပြီး ရွာက ဘုရားရယ်၊ ဖောင်တော်ဦးဘုရားရယ်ကို လဲ ဆွမ်းကပ်သေးတယ်။

အဲဒီတုံးက အတူ လှေပြိုင်ပွဲဝင်ခဲ့တဲ့ကြီးမေရဲ့အပေါင်းအသင်း ကြီးကြီးရွှေတို့ ဒေါ်ဒေါ်နုတို့ တို့ဆို ကျွန်မ ရွာကိုပြန်သွားတိုင်း..မိုးမိုးရေ...ကောက်တက်ကောက်သွားမယ်။ လိုက်အုံးမလားဆိုပြီးနောက်တတ်သေးတယ်။ အဲဒီတုံးက အသက်ထွက်မတတ်လှော်ပြေးခဲ့ကြတာကိုလည်းပြောပြောပြီး ရီနေတုံး။

အင်း...အခွင့်သင့်ရင်...တရက်လောက်ကောက်တက်ကောက်ထွက်ချင်ပါသေးတယ်။