အိမ်အပြန်-(၄) (သို့) ညောင်ရွှေ-တောင်ကြီး

(Photo : www.99sanay.com)

ဘုရားပေါက်နဲ့ဖောင်တော်ဦးဘုရားသွားပြီး နောက်တနေ့မှာတော့တောင်ကြီးကို တယောက်ထဲ နေ့ချင်းပြန်သွားတယ်။ မယ်မိုး ဘယ်သွားမလဲဆိုရင် တောင်ကြီးတက်မယ်ပေါ့။ တိုးရစ်စတိုင်မဟုတ်ပါ။ ရွာက လိုင်းမော်တော်ကို မနက် (၆)နာရီထစီး၊ တယောက် (၇၀၀)ကျပ်၊ ငါးရာတန်နဲ့ နှစ်ရာတန်ပေးတာ အကောင်းဆုံးပါ။ အဲဒါမှ ကိုယ့်လက်ထဲကစုတ်ပြတ်နေတဲ့ အကြွေတွေထွက်သွားမယ်။

ညောင်ရွှေလှေဆိပ်မှာ(လေဆိပ်မဟုတ်ပါ)ညီမ၀မ်းကွဲက ငါးထမင်းနယ်ဝယ်ကြွေးတယ်။ သူ့ငါးထမင်းနယ်က လက်ရာတော်တော်ကောင်းတယ်။ ဒါပေမယ့် ရွံ့တတ်သူများဆိုရင်တော့ ကြိုက်ပါ့မလားမသိ။ တယောက်က လင်ပန်းအကြီးစားထဲကို ထမင်းဖြူပူပူ၊ ခရမ်းချဉ်သီးပြုတ်၊ ငါးရံ့ပြုတ်အသား၊ ကြက်သွန်ဖြူဆီကျက်ထည့်ပြီးနယ်၊ ပြီးရင် တပွဲစာအလုံးလေးတွေ ဆုပ်ဆုပ်ပြီး ပုံထားတာကို တယောက်က ငှက်ပျောရွက်ခံထားတဲ့ ပန်းကန်ထဲကို တလုံးစီထည့်ပြီး ဇွန်းနဲ့ပြား၊ အပေါ်က ကြက်သွန်ဖြူဆီကျက်ထပ်ဆမ်း၊ ငရုတ်သီးတောင့်ကြော်လေးဘေးမှာပုံပြီးပေးလိုက်။ စားမယ့်သူတွေကခွေးခြေလးတွေမှာ အပြည့်၊ မတ်တတ်ရပ်စောင့်သူတွေလဲစောင့်လို့။ ပါဆယ်ထုတ်သူတွေလည်းမနည်း။ ဆိမ့်မွှေးနေတဲ့ ငါးထမင်းနယ်တဇွန်းစား၊ ဂျူးမြစ်ဖွေးဖွေးကိုကိုက်၊ ရေနွေးပူပူရှုးခနဲသောက်၊ ၀က်ခေါက်ကြော်လေးဝါး။ ကေအက်ဖ်စီ၊ မက်ဒေါနယ်၊ အိုးချန်းကီး..ဘာညာ၊ ဘာညာ ဘရိတ်ဖတ်စ်တွေလာမပြောနဲ့။

ငါးထမင်းနယ်စားပြီးတော့ညီမ၀မ်းကွဲက ညောင်ရွှေမှာသူ့အလုပ်ကိစ္စရှိလို့နေခဲ့မှာဆိုတော့ ကျွန်မတယောက်ထဲ လိုင်းကားဟိုင်းလပ်စ်ကိုတိုးတက်၊ နောက်ခန်း(၃၀၀)လို့ထင်ပါတယ်။ ရှေ့ခန်းဘယ်လောက်လဲမသိပါ။ ရှေ့ခန်းစီးချင်ရင် ဂိတ်မှူးကိုကြိုပြော။ တခုတော့ကောင်းသည်။ သံဃာတော်တွေနဲ့ လူနာတွေကပထမဦးစားပေး။ ညောင်ရွှေ-တောင်ကြီးလိုင်းကားမှာ ကိုရင်၊ ဦးဇင်းငယ်ငယ်တွေကအစ နောက်ခန်းမှာ တိုးဝှေ့စီးရတာမျိုးမရှိပါ။

ကုတ်အင်္ကျီထူထူလေးဝတ်၊ ပါတိတ်ထမီလေးနဲ့ သနပ်ခါး၊ မိတ်ကပ်ဖွေးဖွေးနဲ့ တောင်ကြီးတက္ကသိုလ် ကျောင်းသူတွေကို မြင်ရတော့ ဟိုးအရင် (၁၀)နှစ်ကျော် ရှစ်တန်းကျောင်းသူဘ၀က တောင်ကြီးမှာ အဆောင်နေပြီး ကျောင်းသွားတက်ရတာကို သတိရမိတယ်။ သူတို့ပြောစကားတွေကိုမှန်းပြီးတော့ မာစတာတက်နေသူတွေလို့သိလိုက်ရတယ်။ တို့လဲတချိန်က အဲလိုငယ်ခဲ့ဖူးပါတယ်။ ကိုယ်ဟာကိုဖြေသိမ့်လိုက်တာပါ။ ကြွတ်ကြွတ်အိတ်ကိုပိုက်ထားပြီး၊ ခြင်းတောင်းကို ကားခေါင်မိုးပေါ်တင်ဖို့လှမ်းပေးလိုက်ရတယ်။ ဘာလက်ဂေခ်ျ့တက်ဂ်မှမလိုဘူး။ ဘယ်သူမှလဲ မှားမယူဘူး။ လူကြုံပစ္စည်းတွေရော၊ အမျိုးတွေအတွက် လက်ဆောင်တွေရောနှင့်လူက ပွဲရုံမှာ ပစ္စည်းသွင်းဖို့သွားတဲ့ကုန်သည်နဲ့ တောင်တူနေတယ်။ ကင်မရာထုတ် ဓါတ်ပုံရိုက်ဖို့ဆိုတာဝေးရော။ ဖုန်းလာမှာတောင် ကြောက်နေတယ်။

တောင်ကြီးရောက်တော့ လူကြုံပစ္စည်းပေးဖို့တောင်ကြီးတက္ကသိုလ်ကို အရင်သွားတယ်။ ထုံးစံအတိုင်း ကိုယ့်အားကိုကိုး တက်စီနဲ့။ ပြီးတော့ မှ အဒေါ်တွေကားဂိတ်ရှိတဲ့ ပန်းရိုးမကားဂိတ်ကိုသွားတယ်။။ အဲဒီကအဒေါ်က ၀မ်းကွဲဆိုပေမယ့် ကျွန်မနဲ့အနေနီးတော့ အရင်းလိုပဲတွယ်တာတယ်။ ပြီးတော့ အဒေါ့်ယောင်္ကျား လေးလေးနဲ့လဲ ကျွန်မတို့က အမျိုးတော်တဲ့အပြင်ဖေဖေနဲ့ကမွေးထဲကအတူကြီးပြင်းလာခဲ့တဲ့ ငယ်သူငယ်ချင်း။ အဲဒီတော့ သူတို့မိသားစုက ကျွန်မအတွက်အရမ်း နွေးထွေးတယ်။

ဂိတ်ကနေပြီးအိမ်ကို အကိုဝမ်းကွဲကလိုက်ပို့ပေးတယ်။ တောင်ချွန်းအရိပ်အောက်မှာရှိတဲ့ သူတို့အိမ်လေးကို ကျွန်မအရမ်းသဘောကျတယ်။ ခြံထဲမှာ ပိန်းပန်းနဲ့ နှင်းဆီပန်းတွေ မပြတ်တမ်းပွင့်နေတတ်တယ်။ အဲဒီအိမ်မှာလဲ အဒေါ်အပျိုကြီး (၂)ယောက်ရှိသေးတယ်။ ကော်ဖီသောက်၊ ထမင်းစား၊ (၂)နှစ်စာလောက်စကားတွေကို (၂)နာရီလောက်နဲ့အပြီးပြော၊ ပြီးတော့အဒေါ်နဲ့ တောင်ကြီးဈေးထဲပြန်သွားပြီး အဒေါ်ကဈေးဝယ်ထည့်ပေးတာ ကျန်ကျောင်းအိတ်နဲ့ (၂)အိတ်။ ဘာတွေဝယ်ထည့်ပေးတာလဲဆိုတော့ မှတ်မိသလောက်ကတော့ ကိုက်လန်၊ တောင်ပို့မှို၊ ဆလတ်ရိုး၊ ခေါပုပ်၊ ပြီးတော့ ကျွန်မအပြန်သယ်လာဖို့ စွန်ထန်၊ ပဲပုတ်၊ အာလူးခြောက်။ မြင်သမျှတွေ့သမျှ အားလုံးသဘောကျ။ အကုန်ဝယ်ချင်တာတွေချည်းပဲ။

နေ့လည် (၁)နာရီခွဲလောက်ကျတော့ ညောင်ရွှေပြန်ဆင်းဖို့ ကားဂိတ်ကိုပြန်သွားရတယ်။ ခုနကလူကြုံပစ္စည်းသွားပို့လိုက်တဲ့ ဆရာ့အိမ်ကလဲ သူ့သမီးကိုလက်ဖက်ခြောက်နဲ့ ဆီတိုဖူးထည့်ပေးလိုက်ချင်တယ်ဆိုပြီး ကားဂိတ်မှာလာစောင့်နေတယ်။ ဟုတ်ကဲ့...ကျွန်မကုန်သည်ပါ။ သန်းခေါင်ထက်တော့ ညဥ့်မနက်တော့ပါဘူး။ စင်္ကာပူကတောင် ပေါင်ပိုကြေး ရှစ်ဆယ်ပေးပြီး ကိုယ့်ပစ္စည်းရော၊ သူများကပစ္စည်းပါသယ်ခဲ့သေးတာပဲ။ အပြန်လဲ ကီလိုပိုလဲ လက်ဖက်ရည်ဖိုးပေးရုံပေါ့။
(SG-YGN-Innlay-Taunggyi) ကုန်ပစ္စည်းပို့ဆောင်ရေး။

ညနေအင်းထဲအိမ်ပြန်ရောက်တော့ လူကအတော်ယိုင်နေပါပြီ။ ရောက်ထဲက မနက်ဆိုအစောကြီးထ၊ တနေကုန်လျှောက်သွား၊ တော်ကီတွေပွါး၊ အမျိူးတွေတအိမ်တနပ်ထမင်းလှည့်စား၊ လာလည်သမျှလူတွေကိုဧည့်ခံပြော၊ ဧည့်သည်တွေပြန်သွားတော့ ကြီးဒေါ်ကြီးနဲ့ပြော။ လူက မာရသွန်ပြေးနေရသလိုပဲ။

မပြီးသေးပါဘူး။ ဦးလေးအလတ်က မနက်ဖြန်မနက် အင်းတိမ်ဘုရားဆွမ်းတော်သွားကပ်မယ်တဲ့။ ကြီးမေကလဲ ရောက်တုံးသွားရတာသွားတဲ့။ သမီး ဆွမ်းတော့ စောစော ထမချက်နိုင်တော့ဘူးဆိုတော့ ဒေါ်လေးကသူတို့အိမ်ကဆွမ်းတော်ပွဲပြင်မယ်တဲ့။ ဗမာပြည်ကလူတွေ စင်္ကာပူလာရင်ရှော့ပင်သွားမယ်၊ စင်တိုစာသွားမယ်၊ ဒူးရင်းသီမှာဓါတ်ပုံရိုက်မယ်ဆိုတာက Defaultဖြစ်နေသလို အင်းထဲကအမျိုးတွေဆီပြန်ရင် လဲ ဘုရားစုံဆွမ်းတော်ကပ်ရမယ်၊ ရေပေါ်ဈေးနဲ့၊ နန့်ပန်ဈေးသွားမယ်၊ လပြည့်လကွယ်ကြုံရင် ဘုန်းကြီးကျောင်းသွားရမယ်ဆိုတာ Default ပဲ။ ကျွန်မတို့အိမ်မှာက ကြီးမေက အသက်ကြီးပြီ၊ ဘုရားကြွ၊ သီတင်းကျွတ်တောက်လျှောက်ပင်ပန်းထားတော့ သူ့ကိုလဲ မပင်ပန်းစေချင်၊ မေမေက ဗမာ၊ ဒီကဆွမ်းတော်ပွဲပြင်တာတွေ ဘာတွေကို မလုပ်တတ်သူ၊ ညီမလေးကလဲဧည့်သည်သွားဧည့်သည်လာပဲနေခဲ့သူ ဆိုတော့ သူလဲမလုပ်တတ်။ ကျွန်မသာ ငယ်ထဲက ကြီးမေနဲ့လာနေပြီး Training ယူထားသူဆိုတော့ ဘာပဲ ဖြစ်ဖြစ်ကျွန်မပဲထလုပ်တတ်တာ အကျင့်ပါနေပြီ။ အကျင့်ပါနေပေမယ့် လူကမခံနိုင်တော့ဘူးဆိုတော့ တရက်တော့ အပါးခိုလိုက်တယ်။